Qoqys jınaýdy unatady: Pavlodarlyqtyń úıin tazartýǵa tirkemesi bar KamAz kerek boldy
Pavlodar turǵynynyń páterinen tirkemesi bar KamAz-ben qoqys shyǵaryldy. Kazinform bul týraly Rolisia.kz-ke silteme jasap habarlaıdy.
Ýchaskelik polıtsııa ınspektory Jánibek Qasymhanovqa turǵyndar qońyraý shalyp, kórshisiniń páterin qoqystan tazartýǵa kómek suraǵan.
Polıtseı Krıvenko kóshesi, 81 mekenjaıyndaǵy páterde 57 jastaǵy er adam turatynyn anyqtaǵan. Er adamnyń bir bólmeli páterde qoqys jınaıtyn ádeti bar bolyp shyqty.
«Kórshimizde qubyr qatyp qaldy. Sondyqtan úıde jylý bolǵan joq. Biz onyń páteriniń esigin qaqtyq, biraq esikti ashpady», - deıdi kórshiler.
«Ákimdikke qońyraý shalyp, bul máseleni dereý sheshýdi jáne qoqysty shyǵarýǵa járdemdesýdi suradym. Ákimdik tirkemesi bar KamAZ kóligin bóldi. Birneshe kún boıy páterden qoqys shyǵardyq. Sodan keıin santehnık qubyrdy jóndep, jylýdy qosty», - deıdi ýchaskelik polıtseı Jánibek Qasymhanov.
