Pavlodarlyq turǵynnyń moınyndaǵy qaryzy minip júrgen kóliginiń qunynan asyp tústi
PAVLODAR. KAZINFORM - Pavlodarda qarjy uıymdarynyń aldynda 52 mıllıon teńgege jýyq qaryzy bar kólik júrgizýshisi ustaldy. Boryshker tizgindep júrgen Mitsubishi Outlander kóligin polıtseıler aıyp turaǵyna qoıdy.
«Quqyqtyq tártip» jedel-profılaktıkalyq is-sharasy barysynda Pavlodar qalasyndaǵy «Kıbersherıf» mobıldi kesheni jeke sot oryndaýshysymen birlesip Mitsubishi Outlander avtokóligin toqtatqan.
«Málimetter bazasyn tekserý kezinde bul kóliktiń ıesiniń moınynda 52 mıllıon teńgege jýyq qaryzy bar ekeni anyqtaldy. Azamat jol-kólik erejelerin buzǵany úshin aıyppuldardy, aqyly jol jáne salyq tólemderin uzaq ýaqyt tólemeı kelgen. Buǵan qosa jeke sot oryndaýshylarynyń ózge de óndire almaı júrgen boryshtary bar bolyp shyqty. Polıtseıler kólikti mamandandyrylǵan aıyp turaǵyna ornalastyrdy, ıesi aıyppuldar men ózge de qaryzdaryn tolyq tólengenshe sol jerde saqtalady», - dep habarlady Pavlodar oblysy polıtsııa departamentiniń baspasóz qyzmetinen.
Eske sala keteıik, pavlodarlyq polıtseıler ıisshil ıtterdiń kómegimen 80 qylmysty izin sýytpaı ashty.
Pavlodarda jol-kólik oqıǵalary 67%-ǵa kóbeıgen.
Vıdeo: Pavlodar oblysy polıtsııa departamenti
