Pavlodarlyq túlekter tegin tehnıkalyq jáne kásiptik oqýmen 100% qamtylady

PAVLODAR. KAZINFORM — Óńirde 21,9 myńnan astam stýdent bilim alatyn 42 kolledj jumys isteıdi.

Jańa oqý jylynda memlekettik tapsyrys boıynsha qabyldaý 6250 orynǵa deıin ulǵaıtyldy.
Ertis boıyndaǵy kolledjerderdi tehnıkalyq jańǵyrtý daıyndyǵy joǵary deńgeıdi kórsetip otyr.

— Tehnıkalyq jáne kásiptik bilim berý júıesi qarqyndy damý ústinde. Óńirde 21,9 myńnan astam stýdent bilim alatyn 42 kolledj jumys isteıdi. Jańa oqý jylynda memlekettik tapsyrys boıynsha qabyldaý 6250 orynǵa deıin ulǵaıtyldy. Onyń ishinde 9-synyp túlekterin 100% tegin tehnıkalyq jáne kásiptik oqýmen qamtý josparlanǵan. Bul rette jumysshy mamandyqtar jyly aıasynda kolledjderdiń materıaldyq bazasyn jańǵyrtýǵa 250 mln teńge bólindi, bul suranysqa ıe mamandardy daıarlaýda óńirdiń pozıtsııasyn nyǵaıtady, — dep habarlady oblys ákimdiginen.

Eske sala keteıik, Qazaqstanda kásiptik bilim berý uıymdarynyń aqparattyq kartasy jasalyp jatyr.