Pavlodarlyq til janashyry psıhıkalyq naýqastardy emdeıtin mekemege jatqyzyldy
PAVLODAR. KAZINFORM - Til janashyry Rýza Beısenbaıtegi jedel járdem qyzmetimen psıhıkalyq naýqastardy emdeıtin mekemege jatqyzylǵan. Buǵan jeke azamattyń aryzy sebep bolǵan.
Qazaq tiliniń janashyry, jergilikti belsendi Rýza Beısenbaıtegin keshe Pavlodar qalasyndaǵy bankterdiń birinen jedel járdem kóligi alyp ketken.
Oblystyq densaýlyq saqtaý basqarmasynyń baspasóz qyzmeti bul jaıtty rastady. Ol Pavlodar oblystyq psıhıkalyq densaýlyq ortalyǵyna ornalastyrylǵan.
«Naýqas Pavlodar oblystyq psıhıkalyq densaýlyq ortalyǵyna 24 qańtar kúni saǵat 16.30-da túsken. Ózge málimetter «Halyq densaýlyǵy jáne densaýlyq saqtaý júıesi týraly» Kodeksiniń 273-babynyń negizinde jarııa etilmeıdi. Medıtsına qyzmetkeriniń jeke medıtsınalyq derekteri, medıtsınalyq kómekke júginý faktisi, adamnyń densaýlyǵynyń jaı-kúıi, onyń aýrýynyń dıagnozy týraly málimetter jáne ony tekserý jáne (nemese) emdeý kezinde alynǵan ózge de málimetter medıtsınalyq qyzmetkerdiń qupııasyn quraıdy», - delingen oblystyq densaýlyq saqtaý basqarmasy baspasóz qyzmetiniń habarlamasynda.
Polıtsııa atalǵan jaıt boıynsha ázirshe málimet bergen joq.
