Pavlodarlyq polıtseıler turǵylyqty jeri joq 13 adamdy úsip qalýdan saqtady

PAVLODAR. KAZINFORM - Óńir boıynsha sońǵy bir aptada aýa temperatýrasy túngi ýaqyttarda -30 gradýstan túspeı tur.  Aıazdy kúnderi qańǵybas jandardyń qol-aıaǵyn úsirip alý faktileri jıi kezdesedi.

Tek ótken táýlikte Pavlodar qalasyndaǵy tártip saqshylary turǵylyqty jeri joq 13 azamatty úsip qalýdan saqtaǵan. Bul adamdar úskirik aıazda boı jylytý úshin ıesiz qurylystar men káriz qudyqtaryn, jylý toraptaryn, kóp qabatty úılerdiń jertólelerin panalaıdy. Polıtseıler reıd júrgizý kezinde olardy anyqtap, qabyldaý-taratý mekemesine jáne áleýmettik beıimdeý ortalyǵyna jetkizgen.

«Turaqty baspanasy joq mundaı azamattar az qorǵalǵan. Ótken jyly bizdiń qyzmetkerler arnaıy mekemelerge osyndaı 1447 adamdy ornalastyrdy. Al jyl basynan 90 adamdy anyqtap, tıisti oryndarǵa jetkizdik. Onyń ishinde 33-i qaladaǵy qabyldaý-taratý ornyna ákelindi», - dep habarlady Pavlodar qalasyndaǵy qabyldaý-taratý mekemesi bastyǵynyń orynbasary Asylbek Haerbaev.

Tártip saqshylary aıazdy kúnderi reıdik is-sharalaryn jalǵastyryp jatyr.