Pavlodarlyq polıtseıler 7 jasar qyzdy izdestirip jatyr

Pavlodarlyq polıtseıler 7 jasar qyzdy izdestirip jatyr. Qyzdyń joǵalǵany týraly aryz Ekibastuz qalasynyń polıtsııasyna 17 qarashada saǵat 21:15-te kelip tústi, dep habarlaıdy polisia.kz saıty. 

Dereý dabyl boıynsha polıtsııanyń jeke quramy kóterildi, balanyń joǵalyp ketýi týraly aqparat jergilikti chattar arqyly taratyldy, izdeýge Vita eriktileri men beı-jaı qaramaıtyn azamattar qosyldy.

Polıtsııa saǵat 16:00 shamasynda 39 jastaǵy áıel úsh balasymen demalys kúnderi aýyldan 15 shaqyrym jerde ornalasqan sharýa qojalyǵyndaǵy jubaıyna barýǵa sheshim qabyldaǵanyn anyqtady. Qyzy Mılana sonda barýdan bas tartyp, úıden shyǵyp ketken. Aýyl turǵyndary qyzdy aýyldan 1,5 km qashyqtyqta ornalasqan bólimshede kórgen.

Polıtsııa osy fakti boıynsha qandaı da bir aqparat bolsa, 102 telefony boıynsha habarlaýdy suraıdy.

Davydova Mılana, 2015 jyly týǵan, Qoıandy aýyldyq okrýginiń Besqaý aýylyndaǵy mekteptiń 3 synyp oqýshysy. Boıy 128-130 sm, aryq dene bitimi, kózderi qońyr, shashtary aqshyl. Ústinde qara kúrte, ashyq jasyl tústi trıko, sur tústi kýrtka, qara etik.