Pavlodarlyq pansıonatta múgedektigi bar qarttardy azaptap kelgen
PAVLODAR. KAZINFORM - Prokýratýra qyzmetkerleri jeke pansıonatta qarttardy uryp-soǵyp, alaıaqtyqpen aınalysyp kelgen qylmystyq topty ustady. Sotqa deıingi is júrgizý bastaldy.

Oblystyq prokýratýra baspasóz qyzmetiniń málimetinshe, Pavlodarda qart adamdardy azaptaýmen jáne alaıaqtyq árekettermen aınalysatyn qylmystyq toptyń qyzmeti toqtatyldy. Qalalyq prokýratýra polıtsııa departamentimen birlesip, múgedektigi bar zeınetkerlerdi únemi uryp-soqqan jeke pansıonatty anyqtady.
– Pansıonat qyzmetkerleri 20 qart adamnyń konstıtýtsııalyq quqyqtaryn óreskel buzǵan (tamaqtanýyn, qozǵalysyn shektegen, uryp-soqqan) jáne uzaq ýaqyt boıy qaıtys bolǵan adamdardyń páterlerin jalǵa berip kelgen, – dep málimdedi prokýratýradan.
Atalǵan derekter boıynsha sotqa deıingi is júrgizý bastaldy. Olardy tergep-tekserý ishki ister organdaryna tapsyryldy.
QR Qylmystyq protsessýaldyq kodekstiń 201-babyna sáıkes tergeý múddesi úshin ózge aqparat jarııa etilmeıdi.
Eske sala keteıik, Pavlodarda páter órtenip, zeınetker kóz jumdy.