Pavlodarda qutqarýshylar dúkendegi órtti sóndirý úshin úsh saǵat arpalysty
PAVLODAR. KAZINFORM — Qyzyl jalyn ǵımarattyń 300 sharshy metrin jaıpap ótken. Qurbandar men zardap shekkender joq.
Búgin tús ýaqytynda Pavlodar qalasynyń Kataev kóshesindegi «Veselyı ýleı» dúkeni órtendi.
Bir qabatty jeke ǵımarattaǵy qyzyl jalyn qatty tarap ketkeni ári qoıý tútinniń kóp bolýy órt sóndirýshilerge asa qıynǵa soqqan.
Órttiń kúrdeli dárejesi jarııalandy.
«Shaqyrtý saǵat 13.30-da túsken. Bizdiń qyzmetkerlerimiz oqıǵa ornyna dereý jetti. Olar barǵansha dúken qyzmetkerleri óz betterimen dalaǵa shyǵyp úlgergen. Órt sóndirýshiler jalynnyń kórshi ǵımarattarǵa taralýyna jol bermeı, saǵat 16.59-da tolyqtaı sóndirdi. Órttiń jalpy aýdany — 300 sharshy metr. Qurbandar men zardap shekkender joq. Oqıǵanyń sebep-saldary anyqtalýda» dep habarlady óńirlik tótenshe jaǵdaılar departamentiniń baspasóz qyzmeti.
Órt sóndirýge 61 qyzmetker men 13 tehnıka jumyldyrylǵan.
Posmotret etý pýblıkatsııý v Instagram
