Pavlodarlyq ormanshylar shyrshalardy táýlik boıy kúzetýde

«Ertis ormany» aǵash kesýshilerge qandaı jaza qarastyrylǵanyn eske saldy. Kazinform agenttigi bul týraly Pavlodarnews.kz-ke silteme jasap habarlaıdy. 

Tabıǵı orman rezervatynda jas qylqan japyraqty aǵashtardy qorǵaý sharalary jalǵasýda.

Seıtenov orman sharýashylyǵynda aǵashtardy táýlik boıy kúzetedi. Stantsııada ormanshylarǵa barlyq jaǵdaı jasaldy, radıobaılanys, telefondar jumys istep tur. Qyzmetkerler ótip bara jatqan kólikterdiń barlyǵyn tekserip, arnaıy jýrnalǵa tirkeıdi.

Jańa jyl aldyndaǵy kezeńde (qarasha-jeltoqsan) jas qylqan japyraqty aǵashtardy joıý nemese zaqymdaǵany úshin keltirilgen zııan bir dana úshin 15 AEK (51 750 teńge) quraıdy.

Sondaı-aq quqyq buzýshyǵa QR ÁQBtK-niń 381-1-babyna sáıkes 150 AEK (517 500 teńge) kóleminde ákimshilik aıyppul salynady.

Eger keltirilgen zalal 100 AEK-ten asatyn bolsa, quqyq buzýshy qylmystyq jaýapqa tartylady.

Shyrshalardy zańsyz kesý faktileri týraly kelesi nómirlerge habarlaý kerek: 8(7182)78-77-32, 8(7182)787732 nemese 102 (táýlik boıy jumys isteıdi).