Pavlodarlyq oqýshy negizgi UBT-dan 140 ball aldy
ASTANA. KAZINFORM — Pavlodar oblysynyń jalpy orta bilim berý mektebiniń túlegi Áset Altaır negizgi UBT-da 140 ball ıegeri atandy, dep habarlaıdy Ǵylym jáne joǵary bilim mınıstrliginiń baspasóz qyzmeti.
2026 jylǵy 26 mamyr kúni Pavlodar qalasynda ornalasqan aımaqtyq testileý ortalyǵynda Áset Altaır «Matematıka-Geografııa» pánder kombınatsııasyn tańdap, UBT-ny sátti tapsyrdy. Ol bes pán boıynsha eń joǵary 140 baldy jınady. Altaır — Pavlodar qalasyndaǵy № 7 jalpy orta bilim berý mektebiniń túlegi.
Men 11-synyptyń basynan bastap UBT-ǵa júıeli túrde daıyndala bastadym. Dál sol kezde bolashaq mamandyǵymdy naqty tańdadym. Aldaǵy ýaqytta Maqsut Narikbayev University-ne «Menedjment» mamandyǵyna oqýǵa túsýdi josparlap otyrmyn. UBT-ǵa daıyndyq barysynda qoldaý kórsetip, jiger bergen ata-anama jáne ustazdaryma alǵysymdy bildiremin, — dedi Áset Altaır.
Esterińizge sala ketsek, negizgi UBT-nyń eki aptasynda 92 myńǵa jýyq ret test tapsyryldy. Shekti baldy 65% talapker jınady. Bes pán boıynsha ortasha ball 63 baldy qurady. 240 myńǵa jýyq talapker negizgi UBT-ǵa qatysýǵa eki múmkindikti esepke alǵanda 446 myńnan astam ótinish bergen.
Budan buryn Saıasat Nurbek 2026-2027 oqý jylyna 90 myńǵa jýyq grant bólingenin aıtty.
