Pavlodarlyq monopolıst tarıfti negizsiz kótergeni úshin 6,5 mln teńge aıyppul tóledi

PAVLODAR. KAZINFORM - QR Básekelestikti qorǵaý jáne damytý agenttiginiń Pavlodar oblysy boıynsha departamenti «Spetsmashın» JShS zańdy tulǵalarǵa qatysty tarıfti negizsiz kótergenin anyqtady. Kásiporyn jaýapkershilikke tartylyp, 6 579 357 teńge aıyppul salyndy.

Básekelestikti qorǵaý jáne damytý agenttiginiń Pavlodar oblysy boıynsha departamenti monopolııaǵa qarsy zańnamany buzý belgileri boıynsha«Spetsmashın» JShS-ǵa qatysty tergeýdi aıaqtady. Tekserý barysynda kásiporyn zańdy tulǵalar úshin qatty turmystyq qaldyqtardy jınaý jáne áketý jónindegi qyzmetter naryǵynda monopolııalyq joǵary baǵalardy belgilegeni jáne qoldaǵany anyqtaldy.

«Tekserý kompanııanyń tarıfine kásiporynnyń negizgi qyzmetine qatysy joq negizsiz shyǵyndar engizilgenin anyqtady. Tekserý qorytyndysy boıynsha Departament «Spetsmashın» JShS-ǵa qatysty nusqama shyǵaryp, kompanııany buzýshylyqtardy joıýǵa mindettedi», - dep habarlady departamentten.

Kompanııa QR Ákimshilik quqyq buzýshylyq týraly kodekstiń 159-babyna sáıkes ákimshilik jaýapkershilikke tartylyp, 6 579 357 teńge aıyppul arqalady. Aıyppul erikti túrde tólendi.

Buǵan deıin pavlodarlyq monopolıst elektr tarıfin bir jylda ekinshi ret kóterýge árekettenip otyrǵany týraly jazǵan edik.