Pavlodarlyq qutqarýshylar budan bylaı jaǵajaıdaǵy qaýipsizdikti dronmen baqylaıdy
PAVLODAR. KAZINFORM - Óńirlik tótenshe jaǵdaılar departamentiniń qurylymdary qashyqtan basqarylatyn ushý apparattarymen jabdyqtaldy. Quraldar daýys zoraıtqyshpen jaraqtalǵan.
Endi qyzmetkerler áýe monıtorıngin júrgizip qana qoımaı, jaǵajaıda demalýshylardy qaýipsizdik erejeleri týraly qashyqtan habardar ete alady. Ári sý aıdyndarynda eresekterdiń qaraýynsyz júrgen balalardy anyqtap, tótenshe oqıǵalarǵa jedel den qoıady.
- Bul quraldar bizdiń qutqarýshylardyń jumysyn kúsheıtip, turǵyndardyń qaýipsizdigin qamtamasyz etýge kómektesedi. Jyl basynan beri ótkizilgen is-sharalar barysynda qutqarýshylar 121 adamdy, onyń ishinde 10 balany qutqaryp qaldy. Al sý aıdyndarynda 19 adam, onyń ishinde 6 bala qutqaryldy. Tek Baıanaýyl aýdanynda týrıstik maýsym ashylǵaly izdestirý-qutqarý is-sharalary barysynda 24 azamatqa kómek kórsetildi. Alty azamat taýly jerden evakýatsııalandy. Sý aıdyndary men tanymal týrıstik marshrýttarda qutqarýshylardyń táýlik boıy kezekshiligi uıymdastyryldy,-dep habarlady óńirlik tótenshe jaǵdaılar departamentinen.
Departament bólimsheleri qazirgi zamanǵy tehnıkamen jáne jabdyqtarmen qamtamasyz etilgen. Atap aıtqanda, «Marlın», «Gladıýs» qutqarý qaıyqtarymen, kvadrotsıkldermen, jol talǵamaıtyn avtokóliktermen qamtylǵan. Sondaı-aq kınologııalyq qurylymmen, arnaıy qutqarý jabdyqtarynyń jıyntyqtarymen qamtamasyz etilgen.
Eske sala keteıik, SQO-da qutqarýshylar órt kezinde jarylys qaýpiniń aldyn aldy.