Pavlodarlyq kolledjde zamanaýı hımııalyq zerthana ashyldy
ASTANA. KAZINFORM – Bolashaq hımıkter úshin jańa qurǵatý shkaftary, tsentrıfýga, kolba qyzdyrǵyshtar men qymbat refraktometr satyp alyndy. Stýdentter munda otyn jáne glınozemmen tájirıbe jasap, eritindilerdiń kontsentratsııasy men zattardyń optıkalyq tyǵyzdyǵyn anyqtaı alady, dep habarlaıdy Kazinform agenttiginiń tilshisi.
Pavlodar hımıko-mehanıkalyq kolledji úshin zerthana men jańa oqý bólmesin tolyq jabdyqtaý úshin 53 mıllıon teńgege jýyq qarajat qajet boldy. Jobany tolyq qardjylandyrǵan KAZ Minerals Toby.
- Bul jyl jumysshy mamandyqtarynyń jyly ekeni málim. Biz mehanık, elektrık, tehnıkterge erekshe senim artamyz, aldaǵy ýaqytta da solaı bolyp qala beredi. Olardyń bilim sapasyna basa kóńil bólinedi. Stýdentterdiń bizdiń óndiristegi zamanaýı qurylǵylardy qoldanǵany mańyzdy. Sonda olar kolledj ben ýnıversıtetti támamdaǵannan keıin birden jumysqa kirise alady. ıAǵnı, zamanaýı qurylǵylar bolashaq hımıkterdiń biliktiligine tikeleı áser etedi, - deıdi «KAZ Minerals Bozshakol» JShS dırektory Djeımı Entonı Karattı.
Kompanııa sondaı-aq kolledjderdiń stýdentterine únemi granttar bólip keledi. Búginde Pavlodar hımıko-mehanıkalyq kolledjinde bes stýdent KAZ Minerals Tobynyń granty boıynsha bilim alyp jatyr. Solardyń biri – Samal Temirova. Ol qazir birinshi kýrsta. Bolashaqta óz mamandyǵy boıynsha jumys isterine úmitti.
- Mende grant alý múmkindigi boldy jáne ony utymdy paıdalandym. Hımııa mektep kezinen unaıdy, sol sebepti osy mamandyqty tańdadym. Bolashaqta suranysqa ıe, tabysty hımık bolǵym keledi. Bizde jańa zerthananyń ashylǵany qýantady. Endi túrli tájirıbe jumystaryn jasaımyz, - deıdi stýdent.
Qazirshe Samal jańa qondyrǵylardy synap kórgen joq, sebebi mundaǵy praktıkalyq dárister ekinshi kýrstan bastalady.
- Búgin bizdiń áleýmettik seriktesimiz KAZ Minerals Bozshakol kompanııasynyń qoldaýymen jabdyqtalǵan organıkalyq zerthananyń saltanatty ashylýy ótedi. Bul jobaǵa 52 mıllıon teńgege jýyq qarjy bólindi. Munda tehnolog-laboranttarǵa dáris ótkiziledi, - deıdi kolledj jetekshisi Iran Bektemirov.
Qazir kolledjde 635 stýdent oqıdy, jáne olardyń basym bóligi elimizdegi iri óndiristik kásiporyndarda jumys isteýdi josparlanyp otyr.