Pavlodarlyq qyz jalǵan týroperatorǵa aldanyp qaldy

PAVLODAR. KAZINFORM - Taılandqa arzan týrıstik joldama usynyp,jarnama jasaǵan alaıaqtar pavlodarlyq qyzdyń 500 myń teńgesin úptep ketken.

Pavlodarlyq qyz týrıstik joldama satyp alý kezinde alaıaqtardyń qurbany boldy.

Qaskúnemder Instagram jelisinde Taılandqa arzan baǵamen týrıstik sapar usynǵan. Qyz jalǵan jarnamaǵa senip, aldyn ala tólem retinde 250 myń teńge aýdaryp jibergen. 

«Al alaıaqtar keıinnen saqtandyrý úshin taǵy da 250 myń teńge tóleý qajettigin aıtyp, qyzdy aldaǵan. Satyp alýshy álgi qarajatty aýdarǵan soń, «týroperator» baılanysqa shyǵýdy toqtatqan. Tek sol kezde ǵana qyz alaıaqtardyń qurbany bolǵanyn túsinip, polıtsııadan kómek suraǵan»-dep habarlady óńirlik polıtsııa departamentinen.

Tártip saqshylary azamattarǵa jeke kartalarǵa aqsha aýdarmaýdy eskertedi. Resmı týrıstik fırmalar tek esep aıyrysý shottary arqyly jumys isteıdi. Sondyqtan eń áýeli týroperator týraly kópshiliktiń pikirlerin qarap, kompanııanyń sholý saıttaryn qarap shyqqan durys.

Joldamalardyń baǵany salystyryp, aldyn ala málimetterdi naqtylaý qajet. Al alaıaqtardyń qurbany bolǵan jaǵdaıda aýdarymdy buǵattaý úshin tólem chekteriniń jáne hat-habarlardyń skrınshottaryn dereý polıtsııaǵa aparyp kórsetý kerek.

Eske sala keteıik, Almaty oblysynda 600 mln teńgege alaıaqtyq jasaǵan dropperler toby ustaldy.