Pavlodarlyq qazaq teatry respýblıkalyq teatrlar synynda B.Soqpaqbaev atyndaǵy júldege ıe boldy
PAVLODAR. KAZINFORM - Shyǵys Qazaqstan oblysynda kórnekti jazýshy, balalar ádebıetiniń klassıgi Berdibek Soqpaqbaevtyń 100 jyldyǵyna arnalǵan Qazaqstan drama teatrlarynyń HHH festıvali ótti. QR Mádenıet jáne aqparat mınıstrliginiń qoldaýymen uıymdastyrylǵan dodada J.Aımaýytov atyndaǵy Pavlodar oblystyq qazaq mýzyka-drama teatry júldege ıe boldy.
Óskemende ótken óner dodasyna elimizdiń ár túpkirinen 10 teatr qatysty. Qoıylymdar balalar aýdıtorııasyna arnalǵan. Kórermenderge «Meniń atym Qoja», «Qaıdasyń, Gaýhar!», «Qar qyzy», «Bolmaǵan balalyq shaq» syndy týyndylar usynyldy.
J.Aımaýytov atyndaǵy Pavlodar oblystyq qazaq mýzyka-drama teatry «Meniń atym Qoja» (rej.: J.Sadyqov) spektaklin sahnalap, «Berdibek Soqpaqbaev atyndaǵy arnaıy syılyq» (1.000.000 tg) nomınatsııasyn ıelendi. Adamnyń oı-órisi men tanymyn ushqyr qııalǵa jeteleıtin, keıipkerlerin izgi qasıetterge tárbıeleıtin qoıylym festıvalde alǵashqy bolyp qoıylyp, qazylar alqasynyń yqylasyna ıe boldy. Al kórermen qaýym erkin minezdi qazaq balasynyń qaısar beınesin kórsetetin pozıtıvti shyǵarmany jyly qabyldady.
Eske sala keteıik, qyrkúıek aıynda Pavlodarda Alash arysy Júsipbek Aımaýytulynyń 135 jyldyq mereıtoıyna arnalǵan «Ertis-Baıan» І respýblıkalyq teatr festı vali ótti. Atalǵan synda jergilikti teatr Pavlodar oblysy ákiminiń arnaıy júldesin ıelengen edi.
