Pavlodarlyq kásiporyndarda eńbekaqy ortasha eseppen 8 paıyzǵa ósedi

PAVLODAR. KAZINFORM - Ertis-Baıan óńirinde Jumysshy mamandyqtar jyly boıynsha keshendi is-sharalar jospary túzilgen. Onyń bir tarmaǵy eńbek uıymdaryndaǵy jalaqyny kóterýge baǵyttalyp otyr.

айлық
Фото: Kazinform

Oblys ákimi Asaıyn Baıhanov atap ótkendeı, oblysta keshendi is-sharalar jospary túzilgen ári ol 3 baǵytty qamtıdy.

— Eń áýeli kolledjderdi kezeń-kezeńimen jańǵyrtý kózdelip otyr. Buǵan oblystyq bıýdjetten tehnıkalyq jáne kásiptik bilim berý uıymdaryn jaraqtandyrýǵa jáne jańǵyrtýǵa shamamen 500 mln teńge baǵyttalady. Áleýmettik áriptestik aıasynda ERG jáne Kazminerals kásiporyndary 6 kolledjge zamanaýı jabdyqtar satyp alýǵa 500 mln teńge qarajat bóldi. Ekinshi baǵyt — jumys isteıtin jastar qataryndaǵy stýdentter úshin 100 mln teńgege jańa yntalandyrýshy syıaqylar men granttar taǵaıyndaý. Sońǵysy — jumysshy mamandyqtarynyń bedelin arttyrý jáne kásiporyn qyzmetkerlerin yntalandyrý, - deıdi óńir basshysy.

Qala quraýshy kásiporyndardyń basshylary óz kezeginde qyzmetkerlerdi materıaldyq jáne áleýmettik qamtamasyz etý boıynsha bastamalarǵa qoldaý bildirgen. Bul — turǵyn úımen qamtamasyz etý, avtokólik satyp áperý, jalaqyny ósirý jáne basqa da kóptegen áleýmettik yntalandyrý. Máselen ERG toby osy maqsattarǵa 1,5 mlrd teńge bólýdi josparlap otyr. Jalpy óńir kásiporyndarynda jalaqyny orta eseppen 8 paıyzǵa deıin arttyrý boljamy bar.

Eske sala keteıik, Qazaqstanda energetıkterdiń jalaqysy jyl saıyn 15% ósip otyrady. 

Сейчас читают