Atyraýlyq qarı Qurandy jatqa oqyp, avtokólik utyp aldy
PAVLODAR. KAZINFORM — Pavlodar qalasyndaǵy «Máshhúr Júsip» ortalyq meshitinde Qazaqstan musylmandary dinı basqarmasynyń uıymdastyrýymen Quran Kárimdi jatqa jáne mánerlep oqýdan HІІІ respýblıkalyq baıqaýy máresine jetti. Bul týraly Qazaqstan Musylmandary Dinı Basqarmasynyń baspasóz qyzmeti málim etti.
80 úmitker qatysqan baıqaýdyń jeńimpazdary men júldegerlerin marapattaý rásimine QMDB Tóraǵasy, Bas múftı Naýryzbaı qajy Taǵanuly, saýapty is-sharaǵa demeýshilik jasaǵan Baharıdın Ablazımov, zııaly qaýym ókilderi qatysty.
«Qazaq eli erteden Quran dese qulaǵy túrýli turatyn, Allanyń sózin qurmet tutatyn halyq. Kimniń úıine barsańyz da tórinde Quran ilýli turady, al ony bireý oqysa, uıyp tyńdaıdy. «Aǵraf» súresindegi: «Qashan Quran oqylsa, Oǵan qulaq salyp tyńdańdar da úndemeńder. Árıne meıirimge bólenersińder» degen aıatqa amal etken ata-babamyzdyń joly bizge de násip bolyp otyr. Allaǵa sansyz shúkir, elimizde jyl sanap qarılarymyzdyń qatary artyp keledi. Táýelsizdik alǵan jyldary Quran oqı alatyn adamdarǵa tórden oryn bersek, odan keıin onyń birneshe parasyn jattap alǵan, taǵy bir kezeńde Qurandy tolyq jattaǵan qarılarǵa aıryqsha qurmet kórsetildi. Al búgingi tańda Quran oqýdan ıjazasy bar qarı kórsek, júregimiz eljireıdi. Osy baıqaýdy ótkizýge demeýshi bolǵan Baharıdın Nuǵmanulyna, Sádýaqas Oljabaev qarıymyz bastaǵan ádilqazy múshelerine alǵysymdy bildiremin. Baıqaýǵa qatysqan qarılarymyzdyń bári jeńimpaz atandy dep sanaımyn. Óıtkeni bul baıqaý árbir qarıǵa úlken jiger syılady. Júldelerińiz qutty bolsyn»,- dedi Bas múftı marapattaý rásiminde.
Sonymen qazylar alqasynyń sheshimimen 4 atalym boıynsha jeńis tuǵyrynan kóringen qarılardyń tizimi tómendegideı:
«Mánerlep oqý» boıynsha:
І oryn ( 700 000 teńge) – Salamat Imanǵalıev (Atyraý oblysy)
ІІ oryn (500 000 teńge) – Ábilqasym Ábdirahmanuly (Qaraǵandy oblysy)
ІІІ oryn (300 000 teńge) – Álıhan Muratov (Pavlodar oblysy)
«10 para» boıynsha:
І oryn (1 500 000 teńge) – Dinmuhamed Ábishev (Astana qalasy)
ІІ oryn (1 000 000 teńge) – Muhamedálı Shákirov (Almaty oblysy)
ІІІ oryn (750 000 teńge) – Nurıslam Turajanov (Túrkistan oblysy)
«20 para» boıynsha:
І oryn (3 000 000 teńge) – Arsen Esimbek (Qaraǵandy oblysy)
ІІ oryn (2000 000 teńge) – Asadýlla Emıntaev (Shymkent qalasy)
ІІІ oryn (1 500 000 teńge) – Mahmut Myrzahmet (Túrkistan oblysy)
ІV oryn (800 000 teńge) – Mahambet Tasbolatov (Aqtóbe oblysy)
V oryn (500 000 teńge) – Abdýlbasıt Mavý (Jambyl oblysy)
«30 para» boıynsha:
І oryn (avtokólik) – Ábilqaıyr Juban (Almaty qalasy)
ІІ oryn (4 000 000 teńge) – Abdýlazız Ilhamjanov (Shymkent qalasy)
ІІІ oryn (3 000 000 teńge) – Mansurhan Ýálıhan (Astana qalasy)
ІV oryn (1 500 000) – Nurtileý Seıitqasym (Qaraǵandy oblysy)
V oryn (1000 000) – Dıas Aıtmahan (Jambyl oblysy)
Eske sala keteıik, eki kúnge sozylǵan Quran baıqaýy «Munara TV» telearnasynan tikeleı efırde jáne «Mýftııat QMDB» YouTube-arnasynan onlaın kórsetildi.
