Pavlodarlyq fermerler zańsyz ıelengen sýbsıdııalardy memleketke qaıtara bastady
PAVLODAR. KAZINFORM - Ertis-Baıan óńiriniń sharýalary 2020-2023 jyldary iri qara mal boıynsha jalpy somasy 406 mln teńgeden astam sýbsıdııany zańsyz alǵan. Prokýratýra tekserýinen soń bul qarajat qazirgi kúni memleketke qaıtaryla bastady.
Byltyr oblystyq prokýratýra 2020-2023 jyldary agroónerkásiptik keshen salasyndaǵy memlekettik baǵdarlamalardy iske asyrýǵa bólingen bıýdjet qarajatyna tekserý júrgizgen. Tekserý nátıjeleri sýbsıdııalanǵan iri qara mal shyn máninde sharýalardyń qolynda bolmaǵanyn kórsetti. Fermerler sýbsıdııany zańsyz alyp kelgen.
- Tekserý qorytyndysy boıynsha 30 taýar óndirýshige saqtalmaǵan mal basy úshin tólengen sýbsıdııalardy qaıtarý týraly habarlama jiberildi. Zańsyz tólengen sýbsıdııalardyń jalpy somasy - 406 941 855 teńge. Al bıyl 1 qańtardaǵy jaǵdaı boıynsha 16 taýar óndirýshi jalpy somasy 52,9 mln teńgeden astam sýbsıdııany memleketke qaıtardy. Qalǵan qarajatty jyl sońyna deıin óteý josparlanǵan, - dep habarlady óńirlik Aýyl sharýashylyǵy basqarmasynyń basshysy Darhan Doşanov Kazinform tilshisine.
Eske sala keteıik, Pavlodar oblysynyń agroónerkásip kesheni boıynsha memleketke 500 mln teńge shyǵyn kelgen.