«Ertis» fýtbol klýbyna jańa bas bapker taǵaıyndaldy

PAVLODAR. KAZINFORM – Pavlodarlyq «Ertis» fýtbol komandasyn budan bylaı Nıkolaı Gavrısh jattyqtyrady. Ol buǵan deıin Ekibastuzdaǵy fýtbol klýbynda bapkerdiń assıstenti qyzmetin atqarǵan. 

Bul týraly «Ertis» klýbynyń baspasóz qyzmeti habarlady. 

«Nıkolaı Gavrısh resmı túrde «Ertistiń» bas bapkeri bolyp taǵaıyndaldy. Ol – Qaraǵandy qalasynyń týmasy. 2024 jylǵy maýsymdy «Ekibastuz» fýtbol komandasynda bas bapkerdiń assıstenti bolyp bastaǵan», - dep málimdedi «Ertis» klýbynan.

Gavrısh 2021 jyly lıtvalyq «Jalgırıs» komandasyna bas bapkerdiń kómekshisi retinde shaqyrtylǵan. Atalǵan komandamen birge Lıtva chempıony atanyp, Chempıondar lıgasynyń irikteý básekelerinde óner kórsetti. Odan ári ol komanda óz tarıhynda alǵash ret eýrokýboktyń toptyq kezeńine joldama alǵan bolatyn. Al,  ótken jyly semeılik «Elimaı» komandasynda bas bapkerdiń assıstenti bolyp qyzmet atqardy. 

Eske sala keteıik, buǵan deıin «Ertis» fýtbol komandasynyń bas bapkeri Sergeı ıAkýshın qyzmetinen ketti.