Pavlodarlyq «Ertis» fýtbol klýby ekinshi lıgada oınaıtyn boldy
PAVLODAR. KAZINFORM – Pavlodarlyq «Ertis» fýtbol komandasy óziniń alǵashqy oqý-jattyǵý jıynyn ótkizip jatyr. Lıgada óner kórsetý úshin áýeli lıtsenzııalaý protsedýrasyn aıaqtaýy kerek.
Qazaqstannyń tanymal komandalarynyń biri, elimizdiń bes dúrkin chempıony, pavlodarlyq «Ertis» Sport-sity sport kesheniniń manejinde alǵashqy oqý-jattyǵý jıynyn ótkizdi.
Pavlodar oblysynyń ákimi Asaıyn Baıhanov klýbty qaıta jańǵyrýymen quttyqtap, Ekinshi lıga komandalary arasyndaǵy birinshilikte oıynshylarǵa sáttilik tiledi.
«Ertisti» jandandyrý úshin demeýshilik qarajat tartylyp, jol kartasy ázirlendi. Klýb jumysynda sheteldik legıonerlersiz, ıaǵnı qazaqstandyq fýtbolshylardy jáne jergilikti tárbıelenýshilerdi tartýǵa basa nazar aýdarylyp otyr.
Aıtyp óteıik, 2020 jyldyń mamyr aıynda pavlodarlyq komanda Qazaqstan chempıonatynan óz erkimen shyǵyp ketken edi. Qarjylyq qıyndyqqa baılanysty komanda taratyldy. Klýbtyń burynǵy oıynshylary men bapkerleri aldynda áli de qaryzy bar.
Qazaqstannyń fýtbol qaýymdastyǵy «Ertis» komandasynyń bıyl Ekinshi lıgadan bastap oınaýǵa kelisim berip otyr.
