Pavlodarlyq eriktiler Aqmola jáne Soltústik Qazaqstan oblystaryna gýmanıtarlyq kómek jetkizdi
PAVLODAR. KAZINFORM - Qos óńirge jalpy kólemi 13 tonna qajetti buıymdar men zattar, azyq-túlik aparyldy. Gýmanıtarlyq kómek jınaý aldaǵy ýaqytta jalǵasyn tabady.
Pavlodarlyq eriktiler óńir turǵyndary men kásipkerler, joǵary oqý oryndarynyń qyzmetkerleri, Qazaqstan halqy Assambleıasynyń etnomádenı birlestikteri, jergilikti máslıhattardyń depýtattary jınaǵan gýmanıtarlyq kómekti Aqmola oblysynyń Astrahanka aýyly men Atbasar qalasyna, sondaı-aq Soltústik Qazaqstan oblysynyń Petropavl qalasyna jetkizdi.
«Sý tasqynynan zardap shekken aımaqtardyń otbasylary úshin shamamen 13 tonna azyq-túlik, gıgıenalyq zattar, matratstar, sýsyndar, turmystyq taýarlar jáne jylytqyshtar aparyldy», - dep habarlady Oblystyq jastar bastamalaryn damytý ortalyǵynan.
Budan bir apta buryn jastar bastamalaryn damytý ortalyǵy alǵashqy gýmanıtarlyq kómekti úsh kúnde jınap, Aqtoǵaı aýdanynyń Jalaýly men Sholaqsor aýyldaryna jibergen bolatyn. Aldaǵy ýaqytta eriktiler elden kómek jınaý sharalaryn jalǵastyra beredi.
