Pavlodarlyq dárigerlerge prokýratýranyń aralasýymen 15 mln teńge jalaqy qaıtaryldy
PAVLODAR. KAZINFORM — «Dárigerlik-dene shynyqtyrý dıspanseri» KMQK dárigerlerge jalaqyny keshiktirip kelgen. Ári 1,8 mln teńge mólsherinde mindetti tólemder keshiktirilgen.
Pavlodar qalasynyń prokýratýrasy arnaıy júrgizilgen monıtorıng barysynda «Dárigerlik-dene shynyqtyrý dıspanseri» KMQK dárigerlerine jalaqy tólenbegenin anyqtady.
— Júrgizilgen taldaý nátıjesinde Eńbek kodeksi normalarynyń buzylǵany rastaldy. Mekemeniń 57 qyzmetkeri aldynda jalpy somasy 15 mln teńge kóleminde jalaqy bereshegi jáne 1,8 mln teńge mólsherinde mindetti aýdarymdar boıynsha qaryz qalyptasqan, — dep habarlady óńirlik prokýratýradan.
Pavlodar oblysynyń sport basqarmasyna engizilgen qadaǵalaý aktisi boıynsha jalaqy jáne mindetti tólemder jónindegi bereshek tolyq ótelgen.
Prokýrorlar jumys berýshilerge eńbek zańnamasy talaptaryn qatań saqtaý qajettigin eske salady.
Eske sala keteıik, prokýratýranyń aralasýymen ekibastuzdyq jumysshylarǵa 20 mıllıon teńge jalaqy qaıtaryldy.
