Pavlodarlyq dárigerler jaraqatpen túsken sábıler týraly derekterdi polıtsııaǵa bere bastady

PAVLODAR. KAZINFORM - Óńirlik balalar aýrýhanasy jaraqaty bar bir jasqa deıingi jetkinshekter týraly málimetterdi endi polıtsııaǵa berip otyrady.

Medıtsına qyzmetkerleri mundaı qadamǵa májbúrli túrde baryp otyrǵandaryn aıtady. Sebebi keı otbasylarda balaǵa qatigezdik tanytý, uryp-soǵý derekteri tirkelgen.

- Mysal úshin bizdiń aýrýhanaǵa kúıip qalǵan sábı tústi. Bizden jazylyp shyqqan soń álgi jetkinshek kóp uzamaı taǵy da kúıgen. Polıtsııaǵa bizge kúdikti bolyp kóringen nemese sebebi túsiniksizdeý jaraqattar týraly tolyqtaı málimet berýge kóshtik. Keıde jaraqattyń paıda bolý sebebin medıtsınalyq turǵydan topshylaımyz, alaıda ata-anasy basqa jaıttardy aıtady. Mundaı sátterde kúdik týyndaıdy. Osyndaı derekter boıynsha ári qaraı tártip saqshylary jumys isteıdi,-deıdi oblystyq balalar aýrýhanasynyń neırohırýrgy Talǵat Qasymbekov.

Dárigerler eger balanyń denesinde uryp-soǵýdyń aıqyn belgileri baıqalsa, jasyna qaramastan polıtsııa habarlaıtyndaryn jetkizdi.

Eske sala keteıik, anasy terezeden laqtyryp jibergen pavlodarlyq bala aýylda turýdy qalaıdy.