Pavlodarlyq áıel áleýmettik jelidegi sózi úshin qomaqty aıyppul tóledi
ASTANA. KAZINFORM — Pavlodarda polıtsııa qyzmetkerleri áleýmettik jelilerge júrgizilgen monıtorıng barysynda óz paraqshasynda balaǵat sózder aıtqan áıeldiń akkaýntyn anyqtady.
Polıtseıler onyń jeke basyn jedel anyqtady. Ol Almaty qalasynyń turǵyny, 41 jastaǵy Shynar Akaeva bolyp shyqty.
— Áleýmettik jelide usaq buzaqylyq jasaǵany úshin quqyq buzýshy ákimshilik jaýapkershilikke tartyldy. Sot sheshimimen oǵan 86 500 teńge aıyppul salyndy, — deıdi tártip saqshylary.
Polıtsııa zańǵa qaıshy kontentti, onyń ishinde áleýmettik jelilerde jáne tikeleı efırler kezinde jarııalaý mindetti túrde jaýapkershilikke ákep soǵatynyn eske salady.
Buǵan deıin Almatyda TikTok-ta balaǵat sózder aıtqan eki boıjetken 5 táýlikke qamalǵanyn jazǵan edik.
