Pavlodarlyq 2 myń stýdent «Jasyl el» jasaǵynda eńbek etedi

PAVLODAR. KAZINFORM - Ertis-Baıan óńirinde «Jasyl eldiń» HH eńbek maýsymy bastalyp ketti. Bıyl ekologııalyq jáne qurylys jasaǵynda shamamen 2 myńdaı stýdent eńbek etedi dep josparlanyp otyr.

Bul týraly «Jasyl el» óńirlik shtabynyń dırektory Rýsana Sýlaımonova habarlady.

«Pavlodar qalasynda kolledj stýdentterinen 15 ekologııalyq jasaq qurylyp, olar kógaldandyrý jumystarymen aınalysady. Olardyń eńbekaqysy – 60-70 myń teńge kóleminde. Al ýnıversıtetterdiń stýdentteri qurylys jasaqtaryna baryp, aıyna shamamen 100-110 myń teńge tabys tabady», - dep atap ótti ol.

Qazirdiń ózinde eńbek jasaǵyna bir myńdaı stýdent jazylyp úlgergen.

Eske sala keteıik, Pavlodar jastary Qanyshtyń izimen attandy.