Pavlodarlyq 13 jastaǵy programmıst respýblıkalyq olımpıadanyń eń jas jeńimpazy
ASTANA.KAZINFORM - Pavlodarlyq 7-synyp oqýshysy Imran Kýsanovtyń bastaýysh synyptan-aq kompıýterlik baǵdarlamalaýǵa, matematıkalyq esepterge qyzyǵýshylyǵy joǵary.
Oqý-aǵartý mınıstrligi málimetinshe, Imran ásirese, ınformatıka páninen erekshe alǵyrlyq kórsetip, algorıtmdik esepterdi ońaı sheshedi. Bıyl ol respýblıkalyq Aýyl olımpıadasynda jasynyń kishiligine qaramastan, 9-synyp oqýshylarymen birge synǵa túsip, nátıjesinde ınformatıkadan 1-oryn ıelendi. Onyń zerektigi men esepterdi sheshýdegi alǵyrlyǵy, oılaý qabiletiniń júıriktigi qazylar alqasyn da tańǵaldyryp, ol olımpıadanyń eń jas qatysýshysy atandy. Imrannyń jetekshisi, ınformatıka pániniń muǵalimi Soıan Ertaıdyń 18 jyldyq tájirıbesi bar.
– Men ustazymmen kúndelikti daıyndalamyn. Olımpıadada algorıtmdik esepter, derektermen jumys jáne baǵdarlamalyq sheshimder ázirleý syndy kúrdeli tapsyrmalar beriledi. Ár kezeń men úshin qyzyqty boldy, tapsyrmalar kúrdelengen saıyn ózimdi damytýǵa umtyldym, - deıdi jas daryn Imran Kýsanov.
Aıta keterligi, Imran osy olımpıadaǵa 5-synyptan beri úzbeı qatysyp, joǵary synyptardyń esepterin sheship keledi. Buǵan deıin de ol jeńis tuǵyrynan kórinip, 2, 3 oryndardy ıelengen.
Aıta keteıik, Pavlodarda «Jas daryn» mektebiniń oqýshylary jetim balalarǵa sabaq úıretip júr.
Kundelik-ten oqýshylar dereginiń taralýyna baılanysty tergeý júrip jatyr.