Pavlodarǵa Túrkııadan ushyp kelgen Qazaqstannyń 102 azamatynan koronavırýs tabylmady
«Qurmetti Pavlodar obysy turǵyndary! Ózderińiz biletindeı, álemdegi koronavırýs pandemııasyna baılanysty keshe Pavlodarǵa Túrkııadan 102 Qazaqstan azamaty keldi. Barlyǵy karantındik gospıtalda oqshaýlandy, olardyń ishinde Pavlodar oblysy men shekaralas oblystardyń turǵyndary da bar», - deıdi oblystyq densaýlyq saqtaý basqarmasy basshysynyń mindetin atqarýshy Birjan Dosmaılov.
Sonymen qatar Birjan Dosmaılov barlyǵyna saraptama jasalyp, olardyń nátıjesi búgin belgili bolǵanyn málim etti.
«Qýanyshymyzǵa qaraı, otandastarymyzdyń eshqaısysynan COVID-19 belgileri tabylǵan joq. Qaıtalap aıtamyn, barlyǵynyń deni saý. Jáne de bul azamattar aldaǵy 14 kún ishinde dárigerlerdiń baqylaýynda bolady. Ózińiz ben otbasyńyzǵa qorǵan bolyńyz», - dedi basqarma basshysynyń mindetin atqarýshy.