Pavlodarǵa keletin sheteldik týrısterden alynatyn jarna mólsheri belgilendi
ASTANA. QazAqparat – Pavlodar qalasynyń maslıhaty shaharǵa saparlap keletin sheteldikterden alynatyn týrıstik jarna mólsherin bekitýdi usyndy, dep habarlaıdy QazAqparat tilshisi.
«Sheteldikter úshin týrısterdi ornalastyrý oryndaryndaǵy týrıstik jarna mólsheri 2023 jylǵy qazan-jeltoqsanda árbir táýlik úshin aılyq eseptik kórsetkishtiń 0,5 mólsherinde (1 725 teńge) bekitilsin», - delingen Ashyq NQA portalynda jarııalanǵan Pavlodar qalalyq máslıhaty tóraǵasynyń sheshim-jobasynda.
Qujat 21 qyrkúıekke deıin kópshilik talqylaýda bolady.
Qosa ketsek, taıaýda Astana, Almaty men Qaraǵandy qalalarynda da sheteldikter úshin týrıstik tólem engizý usynylǵan bolatyn.
