Pavlodarǵa 40 myń jyl buryn tirshilik etken zildiń qańqasy ákelindi

PAVLODAR. KAZINFORM - Pavlodarǵa Reseıdiń Novosibir qalasynan júndi zildiń (mamont) tolyq qańqasynyń kóshirmesi jetkizildi. Qańqanyń ózi irgeles eldiń osy óńirinen 2011 jyly tabylǵan.

Novosibir memlekettik ólketaný mýzeıinde saqtalyp kele jatqan erekshe jádiger – álem boıynsha qańqasy eń tolyq zil. Ony jergilikti halyq «Samson» dep atap ketken.

Qańqanyń uzyndyǵy – 5,5 metr, bıiktigi úsh metrden asady.

Al jasy shamamen 40 myń jyl. Alyp janýar pleıstotsen dáýirinde tirshilik etken.

Sondaı-aq kórmede reseılik sýretshilerdiń týyndylary men sahnalyq kostıýmder boıynsha kórme usynyldy. 

Eske sala keteıik, Pavlodar mýzeıinde muz dáýirinde tirshilik etken alyp buǵy saqtaýly tur. Zilge para-par alyp buǵynyń bıiktigi 4-5 metr bolǵan. Al salmaǵy shamamen 700 kılogram tartqan. 

Sútqorekti janýardyń súıekteri 1972 jyly qazirgi Aqqýly aýdanynyń Jambyl aýyly mańynda, Ertis ózeniniń jarynan tabylypty.