Pavlodarǵa 1 trln teńgeden astam ınvestıtsııa tartyldy

ASTANA. KAZINFORM – Pavlodar oblysy 2025 jyldyń 11 aıyndaǵy áleýmettik-ekonomıkalyq kórsetkishter boıynsha oń nátıjege qol jetkizdi. Bul týraly óńir ákimi Asaıyn Baıhanov habarlady.

– Bıylǵy 11 aıdyń qorytyndysy boıynsha Pavlodar oblysy turaqty ósimge ıe. Óńirge 1 trln teńgeden astam ınvestıtsııa tartyldy. Bul – ótken jylmen salystyrǵanda 1,5 ese kóp. Osy nátıjemen óńir respýblıkada 2-shi orynda tur, – dedi A. Baıhanov elordada Ortalyq kommýnıkatsııalar qyzmetinde.

Ákimniń aıtýynsha, tartylǵan qarajattyń 80%-y – jeke sektordyń qarajaty. Búginde jalpy quny 7,3 trln teńgeni quraıtyn 102 ınvestıtsııalyq joba júzege asyrylyp keledi. Nátıjesinde 15 myńnan astam jańa jumys orny ashylady.

Jobalardyń negizgi bóligi ónerkásip salasyna tıesili – 31 joba, agroónerkásiptik keshende – 48 joba bar. Sonymen birge, joba pýlyna týrızm salasyndaǵy 7 joba, energetıkadaǵy – 5 joba, medıtsınadaǵy – 2 joba, kólik jáne logıstıkadaǵy – 1 joba, ekologııa salasyndaǵy – 2 joba, saýda jáne qyzmet kórsetý salasyndaǵy – 6 joba kiredi.

Aıta keteıik, Pavlodar oblysynda quny 100 mln teńgeden asatyn jer ýchaskesi memleket menshigine qaıtaryldy.