Pavlodardyń tramvaıy qaıta jandanady
ASTANA. QazAqparat - Pavlodardyń tramvaıy qaıta jandanady. Bul týraly búgin Ortalyq kommýnıkatsııalar qyzmetindegi brıfıngte Pavlodar oblysynyń ákimi Bolat Baqaýov málim etti, dep habarlaıdy QazAqparat.
«Pavlodarda 110 shaqyrym tramvaı joly bar. Biz bul ınfraqurylymdy saqtap qaldyq. Eki jyl boıy tramvaılar satyp alýǵa zaem qarajatyn alý úshin eýropalyq qaıta qurý jáne damý bankimen jumys istedik. Rels kólikteri boıynsha shyǵyndardy sýbsıdııalaýda birneshe faktor kedergi boldy. Bul másele sheshildi», - dedi Bolat Baqaýov.
Oblys basshysynyń sózine qaraǵanda, búgingi kúni tramvaılardy satyp alý boıynsha konkýrs ótkizilgen. Osy jyldyń qazan aıynda 5, al jeltoqsanda 15 tramvaı Pavlodarǵa jetkiziletin bolady.
Oblys ákiminiń baspasóz qyzmeti taratqan málimetke sáıkes 2017 jyldyń qańtar-tamyzynda kólikpen júk tasymaldaý kólemi 84,3 mln tonnany, júk tasymaly aınalymy 21,2 mlrd tonna shaqyrymdy quraǵan. Jolaýshylar tasymaly aınalymy 7,7 paıyzǵa ósken.
