Pavlodardyń temirjol vokzalynda asa iri kólemdegi esirtki zatymen 24 jastaǵy azamat ustaldy - baspasóz máslıhaty
ASTANA. Tamyzdyń 3-i. QazAqparat /Gúlmıra Álıakparova/ - Pavlodardyń temirjol vokzaly ǵımaratynda esirtki zaty - «keptirilgen marıhýananyń» asa iri kólemimen 24 jastaǵy azamat ustaldy. Bul týraly búgin ótken baspasóz máslıhatynda Kóliktegi Ortalyq Іshki ister departamenti Esirtki bıznesine qarsy kúres basqarmasynyń (EQB) bastyǵy Narıman Abylqasenov málim etti.
N.Abylqasenovtyń aıtýynsha, ótken shilde aıynyń 20-sy kúni aldyn ala kelip túsken shuǵyl aqparatqa baılanysty, KOІІD EQB men Kóliktegi Ońtústik-shyǵys ІІD-niń qyzmetkerleri Pavlodar vokzaly ǵımaratynda jedel-izdestirý sharalaryn júrgizdi. Sharalar barysynda 1986 jyly týǵan azamat nazarǵa iligip, qolyna ustaǵan eki ala sómkesinen keptirilgen marıhýana tabylǵan. Tárkilengen esirtkiniń jalpy salmaǵy 68 keli 747 gramdy qurady.
Anyqtalǵandaı, asa iri kólemdegi esirtki zaty «Saryaǵash-Pavlodar» baǵytyndaǵy №85-shi poıyzben Shý stantsııasynan jetkizilgen. Al ustalǵan azamat esirtkini qabyldap alýshy bolǵan.
«Qazirgi ýaqytta tapsyrys berýshi men tasymaldaýshyny anyqtadyq. Tapsyrysty jiberýshilerdi anyqtaý ústindemiz»,- deıdi N.Abylqasymov.
Atalmysh fakti boıynsha QR Qylmystyq kodeksiniń 259-shy baby, 3-shi bóligi «v» tarmaǵy boıynsha (asa iri kólemdegi esirtki zatyn tasymaldaý) qylmystyq is qozǵaldy. Ustalǵan azamat Qaraǵandy qalasynyń ýaqytsha ustaý abaqtysyna qamaldy. QK-niń atalmysh baby kúdiktiniń jeke múlkin tárkileýmen qatar, 10 jyldan 15 jylǵa deıin bas bostandyǵynyn aıyrýdy kózdeıdi.
