Pavlodardyń taǵy eki qalasynda «109» qyzmeti iske qosyldy
Óńir ákimdiginen málim etkendeı, «109» Biryńǵaı baılanys ortalyǵy Pavlodar qalasynda bıylǵy naýryz aıynda jumys isteı bastaǵan bolatyn. Endi shuǵyl jelige Ekibastuz jáne Aqsý qalalarynyń turǵyndary qońyraý shala alady.
Atalmysh ortalyq telefon arqyly turǵyn úı-kommýnaldyq sıpattaǵy jáne ómir súrý sapasyn arttyrýǵa baǵyttalǵan máseleler boıynsha ótinishterdi, shaǵymdardy, usynystardy qabyldaıdy.
«Jumys kestesi - 24/7. Operatorlar kommýnaldyq mekemelermen árdaıym tikeleı baılanysta. Sol sebepti qabyldanǵan ótinishter jyldam oryndalady. Kezekshi dıspetcherler ótinish berýshilermen turaqty baılanysta bolyp, ótinimniń oryndalý sapasyn bilip otyrady.
Endi turǵyn úı-kommýnaldyq sharýashylyq bóliminiń, basqa da kóptegen mekemelerdiń nómirin este saqtaýdyń qajeti joq. Suraqtaryńyz týyndasa, telefon arqyly «109» nómirin terseńiz jetkilikti.
Maýsymnyń sońyna deıin Ekibastuz jáne Aqsý qalalary pılottyq rejımde jumys isteıdi. Odan ári júıege aýdandar qosylady», - dedi oblys ákimdiginen.
Málim etilgendeı, «109» qyzmeti iske qosylǵannan beri 50 myńnan astam qońyraý qabyldanǵan. Onyń ishinde 45 myńy TJ rejımi, áleýmettik jáne kommýnaldyq tólemaqy, blok beketterden ótý sııaqty konsýltatsııalarǵa baılanysty boldy. Al, kommýnaldyq sala boıynsha 5 myńǵa jýyq ótinish túsken.