Pavlodardyń «Ertis» komandasyna jańa bas bapker taǵaıyndaldy

NUR-SULTAN. QazAqparat - Pavlodardyń «Ertis» fýtbol klýbyna jańa bapker taǵaıyndaldy. Bul qyzmetke serb mamany Mılan Mılanovıch keldi, dep habarlaıdy QazAqparat tilshisi.

«Ertis» komandasynyń basshylyǵy bul jóninde resmı túrde málim etti. Pavlodarlyq klýbta 56 jastaǵy maman jyl sońyna deıin qyzmet atqarady. «Ertis» týrnır kestesindegi jaǵdaıyn jaqsartsa, atalmysh mamanmen kelisimshart merzimi uzarýy múmkin.

Mılan Mılanovıch 1963 jyldyń 10 qańtarynda dúnıege kelgen. 1983-1998 jyldar aralyǵynda ıÝgoslavııa, Germanııa jáne Farer araldary komandalarynda oıyn kórsetti. 1995 jyldan beri bapkerlik qyzmetpen aınalysady. Bapkerlik qyzmetinde Serbııa, Farer araldary, Moldavııa, Bosnııa jáne Gertsogovına klýbtaryna jetekshilik jasady. 2013 jyly «Novı Pazar» komandasynda eńbek etip, Serbııanyń úzdik bapkeri ataǵyn jeńip aldy.

Esterińizge sala ketelik, budan buryn pavlodarlyq klýbqa bolgar mamany Dımıtar Dımıtrov bapkerlik jasady. Bıyl komandanyń nashar kórsetkishine baılanysty mamyr aıynda ol qyzmetinen ketken bolatyn.