Pavlodardyń bazarlarynda orman brakonerleri kesip ákelgen shyrshalar satyla bastaǵan
PAVLODAR. 14 jeltoqsan. QazAqparat /Vera Lıvıntsova/ - Pavlodarda qalalyqtarǵa jarty metrlik jas shyrshalardy satyp turǵan Lebıaji aýdanynyń turǵyny ustaldy,
dep habarlaıdy Іshki ister departamentiniń baspasóz qyzmeti.
Shyrsha satýshy polıtsııa qyzmetkerlerine aǵashty «Ertis ormany» tabıǵat qoryǵynyń Maraldy orman sharýashylyǵynan kesip alǵanyn, qalaǵa satý úshin jol-jónekeı kele jatqan kólikpen jetkizgendigin moıyndaǵan.
Dál sol kúni polıtsııa taǵy bir brakonerdi qolǵa túsirdi, qala azamaty Pavlodar janyndaǵy saıabaqtan shyrsha kesip alǵan. Odan ara, balta jáne uzyndyǵy úsh metrlik 3 aǵash tárkilendi.
Pavlodar oblysynda qylqan japyraqty aǵashtardy kesýge tyıym salynǵan. Ormannyń osy sulý aǵashtary mádenı is-sharalar ótetin qoǵamdyq orndarǵa ornatylý úshin qalalar men aýyldarǵa ákimdikterdiń uıǵarymy boıynsha ákelinýi tıis. Al tabıǵı shyrshany qajet etken azamattardyń ony bazarlardan, Reseıden ákelinetinin satyp alýlaryna bolady.
