Pavlodardyń basty sporttyq arenasy aýktsıonǵa shyǵaryldy
PAVLODAR. QazAqparat - Pavlodar qalasynyń ortalyq stadıony aýktsıonǵa shyǵaryldy, dep habarlaıdy «QazAqparat» HAA tilshisi. Satyp alý quqyǵynsyz senimgerlik basqarýǵa berý boıynsha bássaýda 18 qańtar kúni ótedi.
Kepildik jarna 17 921 070 teńgeni quraıdy. Osyndaı mazmundaǵy habarlandyrý QR Qarjy mınıstrliginiń memlekettik múlik jáne jekeshelendirý komıtetiniń memlekettik múlik tizilimi saıtynda jaryq kórdi.
Tenderlik sharttar arasynda beıinge sáıkes qyzmetti júzege asyrý, múgedekterge tegin qyzmet kórsetý, shtat sanyn saqtaý jáne sporttyq keshenniń shyǵynsyz damýyn qamtamasyz etý bar. Tanymal «Ertis» fýtbol klýbynyń alańyna aınalǵan Pavlodar Ortalyq stadıony 1947 jyly salynǵan. «Ertistiń» eýrokýboktarǵa qatysýyna oraı, birneshe ret kúrdeli jóndeýden ótken.
Sondaı-aq, «Juldyz» stadıony, «Shymyr» jáne «Tolqyn» dene tárbıesi-saýyqtyrý keshenderiniń de satylymǵa qoıylǵanyn atap ótken jón.
