Pavlodardyń avtobýstary aıazda isten shyǵa bastady
PAVLODAR. QazAqparat - Pavlodardaǵy avtobýstardyń 27 paıyzy qatty aıazdyń áserinen eki saǵat jumystan keıin reısten shyǵyp qaldy, dep habarlaıdy «QazAqparat» HAA tilshisi.
«Bizde paıdalaný merzimi 17-20 jyldan asqan eski avtobýstar bar. Eski tehnıka aıazda isten shyǵa bastady. Ýaqytynda olardy qaıtadan parkke ákelip jylyttyq, qajetti bólshekterin aýystyryp, qaıta jolǵa saldyq. Tańerteńgi 10 kezinde bizdiń avtobýstardyń 73 paıyzy jolda júrdi,-dedi TÚKSh bólimi basshysy Marat Asylbekov.
M. Asylbekovtyń aıtýynsha, qatty aıazdarǵa baılanysty avtokólik kásiporyndary kezekshilik rejımde jumys istegen. Jóndeý brıgadalary qurylyp, qajetti avtobólshekter, tipti qosalqy júrgizýshiler de aldyn ala daıyndalǵan.
«Tańǵy toǵyzda avtobýstardyń 92 paıyzy jolǵa shyqty. Aýyldyq jáne qalaishilik tasymaldyń barlyǵyn qamtamasyz ettik. Tramvaılar 100 paıyz júrip turdy. Biraq -42 gradýs ońaı emes, aıazdyń aty aıaz. Sýyqtan eski avtobýstar syr bere bastady»,-dedi M.Asylbekov.
