Pavlodardyń 3 turǵyny avtobýstarda urlyq jasaý úshin Astanaǵa ádeıi kelgen

ASTANA. QazAqparat – Astanaǵa ádeıi kelgen Pavlodardyń úsh turǵyny adamǵa lyq toly avtobýstarǵa kirip, 15 uıaly telefondy qoldy etken. Olar áreketterin bir kúnde iske asyryp, qaladan shyǵyp ketpek bolǵan, – dep habarlaıdy QazAqparat Polisia.kz saıtyna silteme jasap.

Polıtsııaǵa elorda turǵyndary avtobýs ishinde qymbat uıaly telefondary urlanǵanyn aıtyp, aryzdanǵan.

«Polıtsııa qyzmetkerleri jedel-izdestirý is-sharalaryn júrgizý barysynda kúdiktilerdi ustady. Olar buryn urlyq jasaǵany úshin sottalǵan 33, 32 jáne 30 jastaǵy úsh er adam bolyp shyqty.

Ustalǵan úsh qalta urysy elordaǵa Pavlodardan túnde kelgeni anyqtaldy. Qaskúnemderdiń maqsaty marshrýttyq avtobýstarda urlyq jasaý bolǵan. Tańerteń iske shyqqan olar qoǵamdyq kólikte úsh uıaly telefondy urlaǵan, tústen keıin astanadan shyǵyp ketýdi oılastyrǵan. Qalta urylary adamdarǵa toly avtobýstarǵa ádeıi kirgen.

Zattaı dáleldemeler tárkilendi. Olardyń qalta urlyǵynyń 15 faktisine qatysy bar ekeni anyqtaldy. Qazirgi ýaqytta QR Qylmystyq kodeksiniń 188-baby (Urlyq) boıynsha sotqa deıingi tergeý amaldary júrgizilip jatyr», - delingen polıtsııa málimetinde.

Kúdiktiler qamaýǵa alyndy, olardyń osyǵan uqsas birqatar qylmysqa qatystylyǵy tekserilýde.

Foto: polisia.kz