Pavlodardy masa men shybyn-shirkeı býyp tur

PAVLODAR. QazAqparat - Óńirlik kommýnıkatsııalar qyzmetinde dezınsektsııalyq jumystardyń aralyq qorytyndysy sóz boldy, dep habarlaıdy QazAqparat Pavlodarnews.kz saıtyna silteme jasap.

Oblystyq jer qoınaýyn paıdalaný, qorshaǵan orta jáne sý resýrstary basqarmasynyń basshysy Qadyljan Sátıev málim etkendeı, ǵylymı toptyń usynysy boıynsha qansorǵysh jándikterdiń dernásilderin ýlaý jumystary 1 mamyrda bastalǵan.
- Búgingi kúni «Baktıtsıd» bıopreparatynyń 62 tonnasy, hımııalyq preparattyń 1907 lıtri paıdalanyldy, - dedi Qadyljan Sátıev. – Óńdelgen alqaptyń aýdany 26 myń gektardan asty. Barlyq jumystar jer qoınaýyn paıdalaný basqarmasy, ǵylymı top pen arnaıy qurylǵan jumys tobynyń qadaǵalaýymen júrgizilýde.

Sheneýnik oblystaǵy shybyn-shirkeıdiń taralýyna qatysty jaǵdaıǵa baǵa berýden bas tartqanymen, olardyń bıyl kóptigin moıyndady. Onyń sebebi retinde Qadyljan Sátıev bıylǵy Ertis ózenindegi tabıǵı sý jiberý merziminiń kesh bastalǵanyn alǵa tartty.
- Qalaı bolǵanmen jumysymyzǵa halyq óz baǵasyn bere jatar, biz qolymyzdan kelgenin jasap jatyrmyz, - dedi Qadyljan Sátıev. – 28 mamyrdan bastap qaladaǵy saıabaqtardy qolǵa aldyq. Merdiger qosymsha 2-3 brıgadany kómekke aldy. Jumys jalǵasýda.

«TEK.A.TEK.kz» JShS-iń ǵylymı tobynyń jetekshisi Dáýlet Ibraev aıtyp ótkendeı, búginde masa men shirkeıdiń dernásiline qarsy jumys aıaqtalýǵa jaqyn. Ǵylymı toptyń boljamynsha jaqynda jaǵdaı jaqsarmaq.