Pavlodardyń Ortalyq jaǵajaıynda elektr samokattarǵa tyıym salý kózdelip otyr
PAVLODAR. KAZINFORM — Oblys ortalyǵynyń turǵyndary tarapynan Ortalyq jaǵajaıda júretin samokattarǵa qatysty shaǵym jıilep ketken. Polıtsııa qazir atalǵan kólik quraldaryn júrgizbeýdi qarastyryp jatyr.
Bul týraly Pavlodar oblysy polıtsııa departamenti jergilikti polıtsııa qyzmeti bastyǵynyń mindetin atqarýshy Azamat Kúrkebaev málim etti.
— Keshkilik ýaqytta qaladaǵy Ortalyq jaǵajaıda serýendeıtin adamdardyń qarasy qalyń. Kóptegen ata-ana balalaryn qydyrtyp júredi. Sondyqtan bul aýmaqta biz elektr samokattarymen júrýge tyıym salýdy usynyp otyrmyz. Bul máseleni qazir karsherıngtik kompanııamen talqylap jatyrmyz, — deıdi ol.
Jyl basynan óńirde elektr samokattarynyń qatysýmen 1 jol-kólik oqıǵasy ǵana tirkelgen. Áıel adam mingen kólik quraly Pavlodar qalasynda 5 jasar qyzdy qaǵyp ketken. Zań buzǵan tulǵaǵa 10 aılyq eseptik kórsetkish mólsherinde aıyppul salyndy.
Eske sala keteıik, elektr samokattardyń jyldamdyǵyna qatysty tártip qaıta qaralýy múmkin.