Pavlodardyń qoǵamdyq kólik salasy qansha sýbsıdııa ıelenip otyr

PAVLODAR. KAZINFORM – Bılik ókilderiniń aıtýynsha, jolaýshylardyń 92%-y jolaqyny elektrondy júıe arqyly tóleıdi. Bul sýbsıdııa kólemin naqty belgileýge múmkindik berip otyr.

Bıyl Pavlodar oblysynyń qoǵamdyq kólik salasyn sýbsıdııalaýǵa 19,5 mlrd teńge bólingen.

– Bul somanyń 16,7 mlrd teńgesi Pavlodar qalasyna, 1,6 mlrd teńgesi Ekibastuzǵa, taǵy 440 mln teńgesi Aqsýǵa baǵyttaldy. Avtobýs parkteri sýbsıdııa tólemi bolmasa óz shyǵyndaryn aqtaı almaıtyny belgili. Soǵan oraı, olarǵa jetpegen qarajattyń orny bıýdjet qarajatymen tolyqtyrylady, - dep habarlady oblystyq ákimdikten.

Qazirgi ýaqytta oblystaǵy úsh qalada elektrondy tólem jasaǵanda jolaqysy – 100 teńge. Al qolma-qol aqshamen tóleseńiz, jol aqysy 200 teńge bolady.

Eske sala keteıik, Pavlodarda qoǵamdyq kólikti ońtaılandyrýdyń nátıjesinde 4 mlrd teńge qarajat únemdeletin boldy.