Pavlodardyń qaq ortasynda qubyr jarylyp, birneshe kósheni sý basty
PAVLODAR. KAZINFORM -Qala ákimdigi apattyq ýchaskede arnaıy qyzmetter zaqymdanǵan jerlerdi joıý jumystary júrgizilip jatqanyn málimdedi. Jaǵdaı rettelgenshe turǵyn úılerdiń biraz bóligi sýyq sýdan ajyratylady.
Pavlodar qalasyndaǵy kóshelerdiń birinde ortalyq sý jelisindegi magıstraldyq qubyr jarylyp, birneshe kóshege sý jaıyldy.
- Tolstoı jáne Máshhúr Júsip kósheleriniń qıylysyndaǵy sý qubyrynyń 500 mm dıametri zaqymdanǵany anyqtaldy. Atalǵan avarııalyq ýchaskede zaqymdanǵan jerlerdi joıý jumystary júrgizilip jatyr. Búlingen kelgen jerlerdiń barlyǵy qalpyna keltirilgenshe úılerdiń biraz bóligi sýyq sýdan ajyratylady, - dep habarlady qalalyq ákimdikten.
Qaladaǵy sý jelilerine jaýap beretin «Pavlodar-Vodokanal» JShS atalǵan aýmaq olarǵa tıesili emes ekenin málimdedi.
Qazirgi ýaqytta sý Tolstoı, Máshhúr Júsip kósheleri arqyly aǵyp, Akademık Sátbaev, Maksım Gorkıı, Abaı, Karl Marks jáne taǵy da basqa kóshelerge jaıylyp ketken.
Sınoptıkter búgin túnde oblys aýmaǵynda -30 gradýsqa deıin aıaz turady dep boljap otyr. Kommýnaldyq qyzmetter iske kirisip jatqanymen, kóshelerde qazirdiń ózinde muz paıda bola bastaǵan. Bul aýmaqyń turǵyndary júrip-turýymyz qıyndaıdy ma dep alańdap otyr.
Buǵan deıin Pavlodarda qubyr jarylyp, sý asfalt betine shyqqany týraly jazǵanbyz.