Pavlodardyń 30 aýylynda jańa medıtsınalyq uıym salynady
PAVLODAR. KAZINFORM — Barlyq qurylystyń jalpy quny — 5,3 mlrd teńge. Jańa ǵımarattar jyl sońyna deıin salynyp bitedi dep josparlanǵan.
«Aýyldyq densaýlyq saqtaýdy jańǵyrtý» ulttyq jobasynyń aıasynda Pavlodar oblysyndaǵy 30 eldi mekende 2 dárigerlik ambýlatorııa, 5 feldsherlik-akýsherli pýnkt, 23 medıtsınalyq pýnkt salynady.
Olardyń qurylysyna 5,3 mlrd teńge jumsalmaq.
Bul týraly óńir basshysy Asaıyn Baıhanov habarlady.
Ol jergilikti aýdan ákimderine jańa densaýlyq saqtaý nysandaryna ınjenerlik-kommýnıkatsııalyq ınfraqurylymdy ýaqtyly jetkizýdi qamtamasyz etýdi, emdeý uıymdaryn medıtsınalyq kadrlarmen qamtamasyz etý máselesin sheshýdi tapsyrdy.
Sondaı-aq, merdiger uıymdardyń basshylaryna ulttyq joba QR Prezıdenti men Úkimettiń erekshe baqylaýynda ekenin eske saldy.
Mindetti sharttardyń biri — ashyqtyq jáne qurylys barysyn tolyq baqylaý.
Jumys barysyna monıtorıngti Úkimet apparaty men beıindi mınıstrlikter «Bıtrıks» aqparat júıesi arqyly júrgizedi.
