Pavlodardan 18 tonna alma ońtústikke qaıtaryldy
PAVLODAR. QazAqparat - Ertis óńirinde karantınge jatqyzylǵan ónimderdi tasymaldaýda fıtosanıtarlyq talaptardy buzǵany úshin 1 mln 616 myń teńge ákimshilik aıyppul salynǵan, dep habarlaıdy pavlodarnews.kz.
Bul týraly óńirlik kommýnıkatsııalar qyzmetinde ótken baspasóz jıynynda AShM AÓK MIK Pavlodar oblystyq aýmaqtyq ınspektsııasy basshysynyń orynbasary Arman Shúıkenov málim etti.
" Ósimdikter karantıni ınspektoralarymen oblystyń fıtosanıtarııalyq qaýipsizdigin qamtamasyz etý maqsatynda karantınge jatqyzylǵan ónimderdiń tasymaldaý tártibine sáıkes karantındik baqylaý júrgiziledi. Aǵymdaǵy jyldyń maýsym aıynyń 26-sy kúnindegi jaǵdaı boıynsha jyl basynan beri karantındik zerthanaǵa 630 karantınge jatqyzylǵan ónim úlgisi kelip túsken. 742 zerthanalyq analız júrgizilip, 474 fıtosanıtarlyq saraptama qorytyndysy berilgen. Jalpy, oblys ishinde tasymaldanatyn, ımporttalatyn jáne eksporttalatyn ónimder tekseriledi, dedi Arman Shúıkenov.
Spıkerdiń aıtýynsha, ımport barysynda óńirge ákelingen 4064 tonna astyq daqyldary, 2120 tonna kókenis ónimderi, 95 tonna jemis zerthanalyq tekserýden ótken. Nátıjesinde ımporttalǵan óinmderden kalıfornııalyq symyr karantındik nysany jáne monıtorıngtik zertteý barysynda 3 jataǵan ýkekireniń jańa oshaǵy anyqtaldy.
"Rahmet" bazaryna Ońtústik óńirden jetkizilgen almadan kalıfornııalyq symyr anyqtaldy. Bul jaǵdaı mamyr aıynyń basynda tirkeldi. Tasymaldaýshy ákimshilik jaýapkershilikke tartylyp, 30 AEK mólsherinde aıyppul salyndy. Zııankes anyqtalǵan 18 tonna alma keri qaıtaryldy",- deıdi Pavlodar oblystyq aýmaqtyq ınspektsııasy basshysynyń orynbasary.
Jalpy, 2019 jyly karantınge jatqyzylǵan ónimderdi tasymaldaýda fıtosanıtarlyq talaptardy buzǵany úshin jáne fıtosanıtarlyq sharalardy júrgizý barysynda 59 jeke jáne zańdy tulǵalarǵa 1 mln 616 myń teńge ákimshilik aıyppul salynyp, óndirilgen. Sonymen qatar, bıyl oblystyń shekara aýmaqtarynda 5 fıtosanıtarlyq baqylaý beketterin qurý boıynsha jumys jasalǵan. Beketterdi materıaldyq-tehnıkalyq jabdyqtaý úshin qajetti jabdyqtar jáne 5 dana avtokólik,5 jyly jyljymaly turǵyn vagondar satyp alyndy.
Fıtosanıtarlyq baqylaý beketteri oblystyń 4 shekaralas aýdandarynda ornalastyrylady. Sonyń ishinde Sharbaqty aýdanynda «Sharbaqty» beketinde, Ýspen aýdanynda «Naıza» jáne «Qosaq» beketterinde, Jelezın aýdanynda «Úrli-tóbe» beketinde, Ertis aýdanynda «Amangeldi» beketinde ashylady. Atalǵan beketter oblys aýmaǵynda eksport jáne ımporttalatyn karantınge jatqyzylǵan ónimderdiń fıtosanıtarlyq baqylaý júrgizýin tolyq qamtamasyz etedi.
