Pavlodardaǵy JOO-da Oljas Súleımenov atyndaǵy jastar ortalyǵy ashyldy

PAVLODAR. QazAqparat – Aqıyq aqyn, pýblıtsıst, ádebıettanýshy, qoǵam jáne saıası qaıratker, Qazaqstannyń eńbek eri Oljas Súleımenov Pavlodar memlekettik pedagogıkalyq ýnıversıtetinde qonaqta boldy, dep habarlaıdy QazAqparat tilshisi.

«Ýnıversıtette aqyn jáne jazýshy Oljas Súleımenov atyndaǵy shyǵarmashyl jastar ortalyǵy ashyldy. Stýdentter men oqý ordasynyń qonaqtary jazýshynyń shyǵarmashylyǵymen tanysyp qana qoımaı, kezdesýler ótkizip, jáı ǵana demala alady. Aqyn ustazdarmen jáne bolashaq pedagogtarmen jyly júzben sálemdesip, muǵalim mamandyǵynyń óte mańyzdy ekenin atap ótti. Sebebi, pedagog adamdy bilim álemine engize alady. Ol ýnıversıtet ujymyna tabys tilep, stýdentterdi tereń bilim alýǵa shaqyrdy», - dep habarlady bilim oshǵanyń baspasóz qyzmetinen.

Atap ótilgendeı, JOO-da sondaı-aq shyǵarmashylyqpen aınalysatyn stýdentter úshin Oljas Súleımenov atyndaǵy stıpendııa taǵaıyndalǵan. Bul stıpendııany alǵash bolyp «Mýzykalyq bilim berý» mamandyǵynyń 3-kýrs stýdenti Aıdos Hamıtov jeńip alǵan. Ol sertıfıkatty Súleımenovtiń óz qolynan qabyl alyp, aqynnyń bir óleńin jatqa oqyp berdi.

Stýdentter men ustazdar aty ańyzǵa aınalǵan tulǵamen estelik fotoǵa túsip, suraq-jaýap almasyp, avtograf aldy. Keıin aqyn «Rýhanı jańǵyrý» baǵdarlamasy aıasynda júzege asyp jatqan «Ertis-Baıan óńiriniń 100 tarıhı tulǵalary» qysqametrajdy fılmder serııasynyń ekinshi kezeńiniń tusaýkeserine qatysty.

Avtory Anton Gagarın