Pavlodardaǵy jas ınspektorlar jasaǵynda 5 myńnan astam oqýshy bar
PAVLODAR. QazAqparat - Pavlodarda Tuńǵysh Prezıdent kúni qarsańynda oblystyq ishki ister departamentinde «Bir Otan! Bir taǵdyr! Bir Elbasy!» aktsııasy ótti.
Oǵan qalalyq jalpy bilim berý mektepteriniń joǵary synyp oqýshylary qatysty, dep habarlaıdy pavlodarnews.kz .
Departament bastyǵy, polıtsııa general-maıory Marat Qojaev jınalǵandardy aldaǵy Tuńǵysh Prezıdent kúni meıramymen quttyqtady. - Bizdiń Prezıdentimizdiń aıqyn jáne danagóı saıasatynyń arqasynda biz úlken belesterge jetip otyrmyz, - dedi Marat Qojaev. - Árbir azamat Elbasynyń elimizdiń odan ári kórkeıýdegi usynystaryn shyn júrekpen qabyldap, qoldaýy qajet. Búgingi bizdiń sharaǵa jol qozǵalysynyń jas ınspektorlaryn shaqyryp otyrmyz».
General-maıor qazirgi ýaqytta oblysymyzda bes myńnan asa oqýshydan turatyn 303 jas ınspektorlar jasaǵy bar ekenin atap ótti. Oqýshylar barlyq saıystarda júldeli oryndarǵa ıe bolǵan. Pavlodar oblysynyń komandasy Reseı Federatsııasy Krasnodar ólkesiniń Anapa qalasynda ótken 12-shi JQJI memleketter arasyndaǵy slette birinshi orynǵa ıe bolǵan. - Іshki ister organdarynda qyzmet etý qaýipti jáne ıgilikti mamandyq bolyp tabylady. Polıtseıler azamattardyń qaýipsizdigin jáne tynyshtyǵyn qamtamasyz etý, tártipti saqtaýda eńbek etedi. Sondyqtan da bizge Sizder sııaqty elimizdiń patrıottary, daryndy, aqyldy jáne saýatty jastary qajet. Men sizderdiń aralaryńyzda polıtseı tergeýshi, jedel ýákil, krımınalıst mamandaryna ıe bolǵysy keletin jastar bar ekenine senimdimin, - dedi Marat Qojaev.
Departament bastyǵynyń buıryǵymen jol qozǵalysy qaýipsizdigin nasıhattaýda belsendi qatysqandary úshin ІІD gramotasymen ıývenaldyq polıtsııa bólimshesiniń aǵa ınspektory Janar Belıalovanyń basshylyǵyndaǵy Pavlodar qalasy Jetekshi kenti mektebiniń «Baǵdarsham» komandasy marapattaldy. Oqýshylar úshin jedel basqarý ortalyǵyna ekskýrsııa uıymdastyrylyp, jas qonaqtarǵa qylmys pen quqyqbuzýshylyq týraly aıtyldy.
