Pavlodardaǵy jármeńkede 50 tonna ónim satyldy
PAVLODAR. QazAqparat - Qatty aıazǵa baılanysty eki aptalyq úzilisten keıin oblys ortalyǵynda aýyl sharýashylyq jármeńkesi jumysyn qaıta bastady, dep habarlaıdy pavlodarnews.kz.
Onda Baıanaýyl, Ýspen, Lebıaji jáne Pavlodar aýdandarynyń, sondaı-aq Pavlodar jáne Aqsý aýyldyq aımaqtarynyń 150-ge jýyq fermeri óz ónimderin usyndy.
Olar jármeńkege iri qara, jylqy, qoı, qus etterin, 15 tonna kartop, 9 tonna sábiz, 3 tonna qyzylsha, 6 tonna qyryqqabat shyǵardy. 1 keli kókónistiń baǵasy ortasha 75-80 teńge mańaıynda boldy. Іri qaranyń súıeksiz eti 1400 teńge, qabyrǵasy, tósi 1100-1200 teńge aınalasynda satyldy.
2017 jyly Pavlodar oblysynda aýyl sharýashylyǵynyń 677 jármeńkesi ótkizilip, 2 mıllıard teńgeniń ónimi satylǵan edi.
