Pavlodardaǵy velojarys Ortalyq Azııadaǵy eń uzyn kópir arqyly ótedi

PAVLODAR. QazAqparat - Pavlodarda Qazaqstan halqynyń birligi kúni jappaı velojarys uıymdastyrý josparlandy, dep habarlaıdy «QazAqparat» HAA tilshisi Pavlodar oblystyq ákimdiginiń baspasóz qyzmetine silteme jasap.

Jarysqa 1500 adam qatysady dep kútilýde. Óńir ákimshiliginiń apparattyq jınalysynda marshrýttyń uzaqtyǵy 30 shaqyrymdy quraıtyndyǵy habarlandy. Ol Pavlodar-Aqsý tasjolynda - Ortalyq Azııadaǵy eń uzyn kópir arqyly ótedi. Oblys ortalyǵyndaǵy Kenjekól aýyly aýmaǵynan myńǵa jýyq adam básekeni bastasa, Aqsý qalasynan olarǵa qarama-qarsy 500 adam velosıpedpen shyǵady.

Pavlodar oblysynyń ákimi Bolat Baqaýov velojarys qatysýshylarynyń qaýipsizdigin qamtamasyn etý úshin barlyq máseleni qarastyrýdy tapsyrdy.