Pavlodardaǵy túzeý mekemesinde Ashyq esik kúni ótti
ASTANA. QazAqparat - Pavlodar oblysy boıynsha AP 162/3 qylmystyq-atqarý júıesi departamentinde ótken Ashyq esik kúnine 49 jazasyn óteýshiniń týystary men joldastarynan 69 adam keldi, dep habarlaıdy pavlodarnews.kz.
«Bul sharanyń maqsaty sottalýshylardyń týystaryn qylmystyq atqarý júıesiniń qyzmetimen tanystyrý bolyp tabylady», - dedi mekeme basshysy, ádilet maıory Maqsat Áshimov.
«Qaqpadaǵy kezdesý» jobasy aıasynda sottalǵandarmen jazasyn ótep shyqqan jandardy beıimdeý ortalyǵy jáne Pavlodar qalasy áleýmettik baǵdarlamalar men jumyspen qamtý sektorynyń ókilderi Amangeldi Sársenbev pen Qýanysh Júsipov keldi. Olar osy sanattaǵy adamdarǵa áleýmettik beıimdelý boıynsha memlekettik qyzmet týraly aqparat usyndy. Bul kúni jeti adam merziminen buryn bosap shyqty.
Túzetý mekemesinde bolǵan ýaqytta Saparbek Qazıev № 1 kolleldjden «Jıhaz jınaqtaýshy» mamandyǵyn alyp shyqqan.
«Meniń mamandyǵym bar. Sondyqtan jumys istep, óz otbasymdy asyraýdy oılaımyn. Qyzymnyń menen uıalmaı maqtan tutqanyn qalaımyn»,-dedi ol.
Aıta keteıik, óńirdegi úsh túzetý mekemesinde 2025 adam jazasyn óteýde.
