Pavlodardaǵy teatrǵa Káýken Kenjetaevqa arnalǵan memorıaldy taqta qoıylatyn boldy
Júsipbek Aımaýytov atyndaǵy oblystyq qazaq mýzyka-drama teatrynyń qabyrǵasyna Káýken Kenjetaevqa arnalǵan memorıaldy taqta ornatylady, dep habarlaıdy pavlodarnews.kz.
Qazaq SSR halyq ártisi, Baıanaýyl aýdanynyń týmasy, rejısser Káýken Kenjetaıulyna arnalǵan memorıaldy taqtanyń ashylý saltanaty 28-qyrkúıek kúni teatrdyń 27-shi óner maýsymynyń ashylýymen birge ótkizilmek.
«Qazaq kıno óneriniń jaryq juldyzy, akter, jerlesimiz Káýken Kenjetaıulynyń týǵanyna bıyl 100 tolyp otyr. Osyǵan oraı taqtaıshany óńirimizge belgili sýretshi, músinshi Bota Mashrapov jasady», - deıdi oblystyq Mádenıet, arhıvter jáne qujattama basqarmasynyń basshysy Aınur Sársenbaeva.
